LANsports
GameOver
(Grand Final) LanSport – GameOver
BO5 (LAN)
* BO5 Grand Final (Fituesit e Upper dhe Lower Bracket).
Fituesi fiton çmimin e parë si fitues i turneut, skuadra humbëse renditet e dyta në turne!
LANSport 16-13 GameOver
LANSport 13-8 GameOver
LANSport 8-13 GameOver
LANSport 9-13 GameOver
LANSport 10-13 GameOver
Në një mbrëmje që nuk do të harrohet lehtë, edicionit të dytë të turneut Sharri 5v5 iu vu kurora me një finale madhështore, përpara qindra tifozëve të zjarrtë në ambientin e mbushur plot të Shtëpisë së Kulturës “Alajdin Xhezairi” në Bresanë. Zhurma, duartrokitjet dhe emocionet nuk ndalën deri në ora 2 pas mesnate – një dëshmi e vërtetë se esporti në Dragash nuk është më thjesht një risi, por një realitet që po merr jetë gjithnjë e më shumë.
Finalja epike mes LANsports dhe GameOver u shndërrua në një përballje që e mbajti publikun pa frymë për më shumë se pesë orë!
Për t’u shpallur fituesi i këtij edicioni, u deshën 5 harta në formatin BO5 – një përplasje taktike, teknike dhe emocionale, ku secila skuadër dha gjithçka që kishte për të marrë fronin e kampionit.
Finalja u zhvillua në prani të më shumë se 3000 apasionuarve pas kësaj loje, të cilët ndoqën me entuziazëm çdo moment të ndeshjes. Lojtarët ofruan gjithçka për ta bërë këtë event sa më madhështor. Nuk munguan momentet dramatike dhe emocionuese si Knife kills, Zeus kills, Ace-s dhe shumë gjëra të tjera që e bënë atmosferën të paharrueshme për të rinjtë e komunës sonë.
FALEMINDERIT të gjithëve për mbështetjen tuaj të pakursyer!
🥇 Fitues i edicionit u shpall skuadra GameOver, të cilët, pas një performance të shkëlqyer, ngritën kupën dhe fituan vendin e parë me shpërblimin prej 1000€.
🥈 Vendi i dytë i takoi LANsports – një skuadër e jashtëzakonshme që udhëhoqi turneun gjatë fazës grupore dhe dëshmoi nivel të lartë në çdo hartë.
🥉 Vendi i tretë – Team Bushi, që ndezën atmosferën me lojën e tyre të zjarrtë dhe kthesat që sollën në çdo ndeshje të mëparshme.
🏅 Çmimi i MVP-së së turneut i shkoi askujt tjetër përveç Enes “eNs” Bahtijari, lojtari i skuadrës GameOver, i cili u shqua për saktësinë, qetësinë dhe ndikimin e jashtëzakonshëm në secilin takim. Ai u shpërblye me një Steam Gift Card prej 50€, si mirënjohje për kontributin e tij vendimtar në suksesin e skuadrës.
Atmosfera e krijuar nga publiku ishte diçka që s’e përshkruan dot fjala!
Tifozët qëndruan në këmbë, të përfshirë emocionalisht në çdo round, duke brohoritur, duartrokitur dhe krijuar një frymë sportive e të paharrueshme. Ishte natë emocioni, pasioni dhe bashkimi.