SharriGG – Gjysmëfinalet dhe Sfida të Mëdha vazhdojnë!

Gjysmëfinalja e parë mes GZ Bellobradi dhe Team Wolves ishte një finale në vetvete, me dy mapa të zjarrta që e mbajtën publikun të ngjitur pas ekranit. Wolves treguan një performancë të shkëlqyer, duke luajtur si të barabartë me favoritët e turneut dhe duke dëshmuar se nuk arritën në gjysmëfinale rastësisht. Ata ishin të fortë dhe të gatshëm për çdo sfidë që iu dilte përpara. Nga ana tjetër, All-Inn ishin shumë të fortë për PentaEagles, duke siguruar një fitore të thellë dhe duke i dërguar PentaEagles në Lower Bracket për të luftuar për mbijetesë.

Nesër do të zhvillohen dy përballje të tjera të mëdha në formatin BO3. E para është një finale e parakohshme, një derbi mes dy ekipeve të forta Katana dhe Bushi. Fatkeqësisht, vetëm njëra nga këto skuadra do të kalojë përpara, ndërsa tjetra do të përshëndetet me turneun. Kjo do të jetë një përballje e ashpër dhe plot tension! Në përballjen tjetër, SuperTeam do të përballet me skuadrën surprizë të këtij turneu, MUEZINAT, të cilët kanë dhënë lojë fantastike dhe kanë bërë një rrugëtim të pabesueshëm deri tani.

Sonte ishte një natë e mbushur me performanca të jashtëzakonshme. seidrysheNi- dhe eNs— u shfaqën në nivel të lartë në mapën Overpass, duke realizuar 39 killa secili dhe duke kontribuar në fitoren e skuadrave të tyre. Nga ana tjetër, valmiR1 ishte i pamëshirshëm ndaj PentaEagles dhe u zgjodh MVP i natës, duke qenë një nga lojtarët më të spikatur të natës.

Kapitenët e skuadrave duhet të kontaktojnë në bisedën e turneut (CHAT) për të caktuar oraret e ndeshjeve të nesërme. Gara po bëhet gjithnjë e më e ashpër, dhe çdo ndeshje mund të jetë vendimtare!